Agar oldindan uzoq vaqtga yetadigan qilib oziq-ovqat mahsulotlarini g‘amlab qo‘ymoqchi bo‘lsangiz, biz siz uchun zaharlanib qolishdan qo‘rqmasdan har doim yeyish mumkin bo‘lgan yeguliklar va ichimliklar ro‘yxatini tayyorladik.
Asal va zarang qiyomi. Agar bu tabiiy qiyomlar o‘n yillar davomida buzilmasdan turishini xohlasangiz, ularni qorog‘i va quruq joyda saqlasangiz kifoya. Kristallanib qolgan asalni bankasi bilan iliq suvga solsangiz avvalgi holiga qaytadi. Zarang qiyomini esa yaxshisi muzlatgichda saqlaganingiz ma’qul.
Qahva. Agar siz yanchilgan, donli yoki tez eruvchan qahva uzoq vaqt turishini xohlasangiz — ularni muzlatgichga qo‘ying. Qahva juda past haroratda kamida bir yil davomida o‘z xushbo‘y hidini saqlab qolish xususiyatiga ega.
Tuz, shakar va osh sodasi. Bu mahsulotlar yillar davomida o‘z xususiyatlarini yo‘qotmaydigan tabiiy konservantlar hisoblanadi. Ularni og‘zi mahkam yopiladigan, toza va quruq idishda, qorong‘i joyda saqlash talab etiladi.
Makkajo‘xori kraxmali— taxirlanmaydi, buzilmaydi ham. U yumaloqchalarga aylanib qolishi mumkin. Buni bartaraf qilish uchun kraxmalni elakdan o‘tkazish kifoya qiladi. Uni mahkam yopiladigan idishda va quruq joyda saqlash lozim.
Oq guruch. Yarim yil ichida taxir bo‘lib qoladigan qoramtir guruchdan farqli ravishda, oq guruchni o‘ttiz yilgacha saqlash mumkin. Buning uchun ularni namlikdan va hasharotlardan saqlash juda muhimdir.
Loviya va dukkaklilar. Ularni saqlash qoidasi ham xuddi shunday. Eski dukkaklilarni pishirishdan oldin kechqurun suvda ivitib qo‘yish zarur.
Tabiiy vanil ekstrakti. Asosi spirtdan tashkil topgani uchun ularni ham spirtli ichimliklar kabi uzoq yillar saqlash mumkin.
Oshxona sirkasi. Uzoq yillar davomida buzilmaydi, shuning uchun marinadlar va ziravorlar uchun har doim ish beradi.
Izoh (0)