Кичик ҳажмли кемалар бўйича давлат инспекцияси Фавқулодда вазиятлар вазирлиги ихтиёрига ўтади. Бундай ўзгариш Ўзбекистон Президентининг «Ўзбекистон Республикасининг экология ва атроф муҳитни ҳимоя қилиш бўйича давлат қўмитаси фаолиятини ташкил этиш таъминоти чора-тадбирлари тўғрисида»ги қарорида кўзда тутилган, деб хабар беради «Газета.uz».
Қўмита матбуот хизматининг билдиришича, инспекциянинг бош вазифаси сузиш хавфсизлигини таъминлаш, ҳуқуқ-тартибот ва атроф муҳит муҳофазасини мустаҳкамлаш мақсадида сузиш воситалари ҳамда мамлакатнинг барча акваторияларидаги тураргоҳ базаларидан тўғри фойдаланилиши устидан назоратни амалга оширишдир.
Инспекция барча давлат, жамоа, хусусий, хорижий корхоналарга, идора ва ташкилотларга, шунингдек, фуқароларга тегишли бўлган (махсус мўлжал ҳарбий сузиш воситаларидан ташқари) ўзиюрар ва бошқариладиган кемаларни уларнинг двигатели қуввати ва юк кўтариш имкониятларидан қатъий назар назорат қилади.
1993 йили Кичик ҳажмли кемалар бўйича давлат инспекцияси Жисмоний тарбия ва спорт бўйича давлат қўмитаси қошидаги Республика кўп ихтисосли тезкор ҳаракат марказидан Республика экология ва атроф муҳитни ҳимоя қилиш бўйича давлат қўмитасига топширилган ҳамда Ҳайвонот ва ўсимлик дунёсини ҳимоя қилиш ва оқилона фойдаланиш бўйича давлат инспекцияси таркибига мустақил инспекция ҳуқуқларида кирган эди.
Изоҳ (0)