Дональд Трамп Россия билан алоқалари текширилишига қарши эмас. Бу ҳақда Оқ уй матбуот хизмати маълум қилди.
Республикачи сенатор Линдси Грэм 9 май, сешанба куни АҚШ президентининг Москва билан бизнес алоқаларини ўрганиш зарурлигини билдирганди.
«Президент сенатор Грэмнинг тахминидан хабардор. Унинг Россияда бизнеси бўлмаганлиги ва бу мамлакат билан алоқалари йўқлиги сабабли бундай текширув ўтказилишини қўллаб-қувватлайди. Президент Вашингтондаги етакчи юридик фирмадан Россия билан алоқалари мавжуд эмаслиги ҳақида сенаторга мактуб йўллашни сўради», — дея таъкидлади Оқ уй матбуот котиби Шон Спайсер.
Изоҳ (0)