Дубай полицияси амирликда наркотиклар тарқатиш билан шуғулланган халқаро гуруҳни қўлга олди

Дубай полицияси амирликда наркотиклар тарқатиш билан шуғулланган халқаро гуруҳни қўлга олди. Бу ҳақда UAE Inside хабар бермоқда.

«Чангал» деб номланган операция доирасида полиция жиноятчиларнинг Дубайда бир неча миллион доллар баҳоланаётган наркотикларнинг йирик туркумини ўтказиш ҳаракатига чек қўйди.

Жиноятчилардан 29 килограмм метамфетамин мусодара қилинди. Мазкур иш бўйича 3 киши ҳибсга олинди.

Расмийларга кўра, операция 3 нафар наркобарон (улардан иккиси номи ошкор этилмаган Осиё давлати вакили эканлиги билдирилмоқда) мансуб жиноий гуруҳ учун жиддий зарба бўлди.