Dubay politsiyasi amirlikda narkotiklar tarqatish bilan shug‘ullangan xalqaro guruhni qo‘lga oldi

Dubay politsiyasi amirlikda narkotiklar tarqatish bilan shug‘ullangan xalqaro guruhni qo‘lga oldi. Bu haqda UAE Inside xabar bermoqda.

“Changal” deb nomlangan operatsiya doirasida politsiya jinoyatchilarning Dubayda bir necha million dollar baholanayotgan narkotiklarning yirik turkumini o‘tkazish harakatiga chek qo‘ydi.

Jinoyatchilardan 29 kilogramm metamfetamin musodara qilindi. Mazkur ish bo‘yicha 3 kishi hibsga olindi.

Rasmiylarga ko‘ra, operatsiya 3 nafar narkobaron (ulardan ikkisi nomi oshkor etilmagan Osiyo davlati vakili ekanligi bildirilmoqda) mansub jinoiy guruh uchun jiddiy zarba bo‘ldi.