Янги Зеландиянинг Веллингтон шаҳри Deutsche Bank таҳлилчилари версиясига кўра, дунёдаги яшаш учун энг яхши шаҳар деб топилди. Бу ҳақда «Stuff.co.nz» портали хабар берди.
Экспертлар жаҳоннинг турли шаҳарларини тирикчиликка етадиган энг оз маблағ, ҳавонинг ифлосланганлик даражаси, иқлим, кўчмас мулк нархи, жиноятчилик ва соғлиқни сақлаш билан боғлиқ вазият каби мезонлар бўйича таҳлил қилди.
Рейтингнинг иккинчи поғонасида Шотландия пойтахти Эдинбург жойлашди. Австриянинг Вена шаҳри етакчилар учлигига якун ясади. Тўртинчи ўринда Австралиянинг Мельбурн, бешинчи ўринда эса Швейцариянинг Цюрих шаҳри жойлашди.
Юқори ўнликка Копенгаген (Дания), Оттава (Канада), Бостон (АҚШ), Амстердам (Нидерландия) ва Сидней (Австралия) ҳам кирди.