Россия либерал-демократик партияси раҳбари Владимир Жириновский Кремль президент ким — Владимир Путин ёки уни давом эттирувчи бўлишини эълон қилган вақтда россияликларни сюрприз кутиши мумкинлигини айтди, деб ёзади «Mk.ru». Сиёсатчи, шунингдек, ўзи ҳам олтинчи марта номзодини қўйишини тасдиқлади.
Россия телеканалларидан бирига берган интервьюсида у навбатдаги сайловларга албатта боришини, бу у учун олтинчи марта бўлишини айтди. Мухбирнинг Путин ҳам сайловда қатнашиши ҳақидаги гапига жавобан, у бу нарса ҳали номаълум эканлигини, хулоса қилишга шошмаслик кераклигини таъкидлади.
Шунингдек, Жириновский Путин оригинал йўл тутишни яхши кўришини эслатди. Шу билан бирга, партия раҳбари Путинни давом эттирувчи одам аниқ Медведев бўлмаслигини қайд этди. Унинг айтишича, давом эттирувчи ҳақидаги масалани аллақандай ўн киши ҳал қилади, аммо ҳозирча у ҳал бўлгани йўқ. Қарор декабрда қабул қилинади.