Пойтахтда Қашқадарё, Фарғона ва Тошкент вилоятлари ҳайдовчилари йўловчиларни онлайн-агрегаторлар орқали ташимоқда. Бу ҳақда Солиқ қўмитаси матбуот хизмати хабар берди.
Қайд этилишича, 6 та онлайн такси агрегатори солиқ органларининг ахборот тизимлари билан интеграциялашган. Ушбу агрегаторлар орқали йўналишсиз такси фаолияти билан шуғулланаётган ўзини ўзи банд қилган ҳайдовчиларга тегишли бўлган 199,1 мингта автомобиль мавжуд.
Шундан 64 фоизи Тошкент шаҳрида ҳаракатланади. Уларнинг аксарияти қуйидаги ҳудудларга тўғри келади:
- Тошкент шаҳри — 54,6 фоиз;
- Тошкент вилояти — 17,9 фоиз;
- Қашқадарё вилояти — 5 фоиз;
- Фарғона вилояти — 3,3 фоиз.
Умумий ҳисобда 1 март ҳолатига ўзини ўзи банд қилган ҳайдовчилар 420,8 минг нафарни ташкил этади. Уларнинг 161,5 минг нафардан ортиғи солиқ органлари билан интеграциялашган онлайн-агрегаторлар орқали йўловчи ташиш хизматларини кўрсатмоқда. Эътиборлиси, аёлларнинг бу соҳага қизиқиши ортиб бормоқда: 1 053 нафар ҳайдовчи аёл ушбу онлайн хизматлар орқали йўловчи ташиш билан шуғулланмоқда.
Изоҳ (0)