Asaka Motors International компанияси ва дунёдаги етакчи авто ишлаб чиқарувчилардан бири – Hyundai Motor Company Сирдарё вилоятидаги автомобиль заводида Hyundai бренди остида автомобиллар ишлаб чиқаришни ташкил этиш бўйича келишувга эришди.
Ўзбекистон автомобиль бозорида ўсиб бораётган рақобат шароитида бозор талабини аниқлаш мақсадида томонлар лойиҳани икки босқичда амалга оширишга келишиб олдилар.
Биринчи босқич доирасида Elantra, Tucson, Sonata, Santa Fe, Palisade ва Staria моделларини йирик блокли ишлаб чиқаришни йўлга қўйилади. Лойиҳани амалга ошириш жадвалига мувофиқ, ушбу босқичнинг бошланиши 2024 йил май ойига режалаштирилган.
-4p7tYdoC.jpg)
Бундан ташқари, томонлар 2024 йил охирига қадар кавшарлаш, бўяш ва йиғиш технологик жараёнлари бўйича ишлаб чиқаришни ўзлаштиришга қаратилган режалаштириш ишларини якунлашга келишиб олдилар. Ушбу босқич доирасида, шунингдек, автокомпонентлар ишлаб чиқарилишини маҳаллийлаштириш, жумладан, Сирдарё вилояти ҳудудида бутловчи деталлар ишлаб чиқариш бўйича кластер қуриш кўзда тутилган. Ушбу кластернинг завод яқинида жойлашиши компанияга бутловчи деталлар логистикаси билан боғлиқ харажатлар ва вақтни қисқартириш имконини беради.
Asaka Motors International компаниясида ишлаб чиқарилган автомобилларни сотишни дилерлик ва сервис тармоқларини ривожлантириш билан шуғулланадиган Hyundai Auto Asia МЧЖ ҚК амалга оширади.
-okSoAOjU.jpg)
Ушбу лойиҳани амалга ошириш маҳаллий истеъмолчилар учун ҳаммабоп бўлган товар номенклатурасини диверсификациялаш орқали Ўзбекистон автомобиль бозорида рақобатни кучайтириш имконини беради.
Реклама ҳуқуқи асосида.
Изоҳ (0)