Миришкор туманидан келиб тушган мурожаатларнинг 152 тасига муддати бузилган ҳолда жавоб қайтарилгани аниқланди

Қашқадарё вилояти Миришкор туманидаги сайёр қабулда фуқаролар ва тадбиркорлик субъектларидан келиб тушган мурожаатлар таҳлил қилинди. Бу ҳақда ЎзА хабар бермоқда.

Қайд этилишича, бугунги кунга қадар Миришкор тумани ҳокимлигига тегишли бўлган 1940 та мурожаатнинг 349 таси кўриб чиқилган, 21 мурожаат кўриб чиқилиш жараёнида.

Кўриб чиқилган мурожаатларнинг атиги 17 таси амалда ижобий ҳал қилинган, 326 мурожаат бўйича умумий мазмундаги тушунтириш хатлари берилган.

Таҳлил натижаларга кўра, ўтган давр мобайнида кўриб чиқилган мурожаатларнинг 152 тасига муддати бузилган ҳолда жавоб қайтарилган.