Канада бош вазири расмий учрашувга «Юлдузли жанглар»даги дроидлар акс этган пайпоқ кийиб келди

Канада бош вазири Жастин Трюдо 4 май куни ирландиялик ҳамкасби Энда Кенни билан учрашди. Ушбу кун анъанавий равишда «Юлдузли жанглар» куни ҳисоблангани боис Трюдо учрашувга ўзига хос пайпоқ кийиб келишга қарор қилди, деб хабар беради Meduza.

Учрашувда олинган суратлардан маълум бўлишича, Трюдонинг пайпоқларидан бирида R2-D2, иккинчисида эса C-3PO дроиди тасвирланган.

Трюдо пайпоқлари акс этган суратни интернетга жойлаштириб, унга «Бу сиз қидирган пайпоқдир» деган изоҳ қолдирди. Бу — сага қаҳрамонларидан Оби-Ван Кенобининг «Бу сиз қидираётган дроидлар эмас» деган сўзларига аллюзиядир.