Америкалик режиссёр Оливер Стоун Sydney Morning Herald газетасига берган интервьюсида Россия президенти Владимир Путин ҳақидаги фильм устида ишлаётганини маълум қилди. Бу ҳақда «РИА Новости» маълум қилди.
Стоун 2016 йилда «Оловдаги Украина» фильмига продюсерлик қилган. Фильмда у Россия президенти Владимир Путиндан ва Украинанинг собиқ президенти Виктор Януковичдан интервью олган.
«Жаноб Путин дунёдаги энг машҳур етакчилардан бири. АҚШ уни душман — буюк душман — деб атаган экан, у бунга нисбатан нима дейиши мумкинлигини эшитишимиз муҳим, деб ҳисоблайман», — деди Стоун интервьюда.
Таъкидланишича, фильмда Путиннинг Россия Федерацияси президентлигига келган 2000 йилдан бошлаб дунёда бўлаётган воқеаларга муносабати акс этади. Нашрнинг қайд этишича, фильмни яратиш ҳақида расман эълон қилингани йўқ.
«Фильм биз, америкаликлар эшитмаган бутун бир нуқтаи назарни очиб беради», — деди Стоун. Унинг сўзларига кўра, тасвирга олиш гуруҳи икки йил ичида Путин билан тўрт марта учрашди.
Стоуннинг айтишича, у дастлаб Путин билан Эдуард Сноуден ишини муҳокама қилган ва бу фильмда ҳам бор.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)