Могадишода Сомали бош молиявий назоратчисининг қўриқлаш хизмати фуқаролик қурилиши вазирининг машинасига қарата ўт очиб уни ўлдирди, деб хабар берди Meduza.
Отишма 3 май кечаси президент саройи атрофида содир бўлди. Ҳодиса оқибатида бошқа жабрланувчилар бўлган-бўлмаганлиги ҳақида ҳеч қандай хабар берилмади.
Полиция маълумотига кўра, вазирнинг автомобили молиявий назоратчи машинасига яқинлашган ва унинг ортидан юра бошлаган. Назоратчининг тансоқчилари ўт оча бошлаган, вазирнинг қўриқчилари ҳам бунга жавобан ўт очган. Отишмага айнан нима сабаб бўлгани номаълум.
31 ёшли фуқаролик қурилиши вазири Аббос Абдуллоҳи Сомали ҳукуматининг энг ёш аъзоси эди. Аббос умрининг асосий қисмини Кенияда, қочоқлар лагерида яшаб ўтказган ва 2011 йилда Сомалига қайтган. 2016 йилнинг кузида парламентга сайланган, март ойида эса вазирлик лавозимини эгаллаганди.
Изоҳ (0)