Сейсмологлар Чилида яқин орада ҳалокатли зилзила юз бериши эҳтимоли катта эканлигини маълум қилди, деб ёзади National Geographic. У инсоният тарихидаги энг йириги бўлиши мумкин.
Чили ва жаҳоннинг бошқа нуқталарида кузатилган зилзилаларнинг юзага келишини таҳлил қилиб, Франция ва Чили мутахассислари янги рекорд даражадаги кучли зилзила айнан ушбу мамлакатда содир бўлишига ишонч билдирди. Унга Наска литосфера плитасининг меъёрдан четга чиқаётган ҳаракати сабабчи бўлади.
Тинч океанининг шарқий қисмида жойлашган Наска плитаси йилига тахминан 6 см тезликда Жанубий Америка плитаси остига чўкмоқда. Аммо Чили қирғоқлари ҳудудида иккала литосфера плиталари ўртасидаги ишқаланиш тормозланмоқда, бу эса ўзига хос «нуқсон»га олиб келмоқда. 70 йил ичида ушбу фарқ тўрт метрдан ортди, плиталар жуда кучли зилзилалар ёрдамида бир-бирига нисбатан жойлашувларини тўғрилаб олади.
Сейсмологлар фикрича, камида 8,3 магнитудали навбатдаги зилзила Чилида яқин 60—80 йил ичида юз беради. Бундай зилзила хавфи шу йилнинг ўзидаёқ 3 фоиз даражасида белгиланди.
Эслатиб ўтамиз, 2017 йилнинг 3 май куни соат 09:47 да Ўзбекистоннинг айрим ҳудудларида зилзила қайд этилди. Зилзиланинг эпицентри Тошкент шаҳрининг жануби-шарқий йўналишида 295 км узоқликда Тожикистон Республикаси ҳудудига тўғри келади. Эпицентрда қайд этилган зилзила магнитудаси 6,0 ни ташкил этди.
Изоҳ (0)