Жорий йил 1 май куни Москвадан Бангкокка учган «Аэрофлот» самолёти турбулентлик ҳудудига кириб қолгани туфайли 27 киши жабрланди. «Вести.ru» ҳавонинг гирдобли ҳаракатига тушиб қолиш туфайли содир бўлган авиаҳодисаларни ёдга олди.
2016 йил баҳорида Ростов-Донда аэропортида FlyDubai авиакомпаниясининг Boeing самолёти ҳалокатга учради. Ҳаво кемаси қўниш чоғида турбулентлик ҳудудига кириб қолди. 62 киши ҳалок бўлди.
Бир йил аввал Абу-Дабидан Жакартага учган Etihad авиакомпанияси борти ҳаво гирдобига дуч келди. 30 дан ортиқ киши жабрланди.
2015 йил кузида Гренада— Майами рейси бўйлаб парвоз қилган American Airlines самолёти турбулентлик ҳудудига йўлиқди. Ҳаво кемаси корпусида ёриқлар пайдо бўлди, 5 киши жабрланди.
2010 йили Россия осмонида «Вьетнам ҳаво йўллари»нинг Ханойдан Парижга йўл олган Boeing самолёти турбулентликка дуч келиб, 30 нафар йўловчи жароҳат олди.
2001 йили American Airlines авиакомпаниясининг Airbus А-300 самолёти турбулентлик ҳудудига тушиб қолди. Экипаж бошқарувни уддалай олмади. Бортда бўлган барча одам — 260 киши ҳалок бўлди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)