Олмазор туманига янги ИИБ бошлиғи ва прокурор тайинланди. Бу ҳақда 27 апрель, пайшанба куни Тошкент шаҳар ИИББда бўлиб ўтган брифингда маълум қилинди.
Олмазор тумани Ички ишлар бўлимига полковник Абдумажид Муллажонов бошлиқ этиб тайинланди. Бунгача у Тошкент шаҳрининг Бектемир ва Миробод туманлари ИИБларига, шунингдек, Тошкент вилояти ИИБга раҳбарлик қилган.
Шунингдек, Тоҳир Азаматов Олмазор тумани прокурори этиб тайинланди.
Аввалроқ Тошкент шаҳрининг собиқ ҳокими, 2016 йил сентябридан бери Жиззах шаҳрига ҳокимлик қилиб келаётган Абдуқаҳҳор Тўхтаев Олмазор туманига ҳоким этиб тайинлангани ҳақида хабар берилган эди.
Маълумот учун, Олмазор туманининг тўрт раҳбари — ҳокими, прокурори, ИИБ бошлиғи ва туман солиқ инспекцияси раҳбари Ўзбекистон Президенти Шавкат Мирзиёевнинг мазкур туманга ташрифидан сўнг лавозимидан озод этилган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)