Дунёнинг энг манзарали аэропортлари аниқланди

Кариб денгизининг Саба оролидаги Хуанчо-Ираускин аэропорти дунёдаги энг манзарали ҳаво қўналғаси деб топилди. Бу ҳақда PrivateFly тадқиқот компанияси сайтида маълум қилинди.

Шунингдек, мазкур аэропорт учиш-қўниш майдони дунёдаги энг қисқаси (атиги 400 метр) саналади.

Рўйхатдаги иккинчи ўринни Донегол аэропорти (Ирландия) эгаллади. Бу ерга мунтазам рейсларни фақат битта авиакомпания амалга оширади.

Учинчи ўринда Ниццада (Франция), Ложувард қирғоқда жойлашган аэропорт қайд этилди.

Шунингдек, рейтинг ўнлигига Гибралтар, Квинстаун (Янги Зеландия), Лондон-Сити (Буюк Британия), малика Юлиана (Кариб ороллари), Орландо (АҚШ), Барра (Буюк Британия) ва Билли Бишоп Торонто Сити (Канада) аэропортлари киритилди. «Дарё»нинг Telegram’даги расмий канали — @toshqindaryo’га аъзо бўлинг!