Норвегия ҳукумати электромобилларга алоҳида эътибор қаратиб, уларни ўз фуқаролари орасида харидоргир қила олди. Атиги беш миллион аҳолиси бўлган мамлакат фойдаланиладиган электр автомобиллари сони бўйича дунёда биринчи ўринда туради. Ҳар мингта норвегияликка 14,7 та электромобил тўғри келади. Бошқа ҳеч қайси мамлакат бу натижага яқин кела олгани йўқ. Мутлақ етакчилик қилаётган Норвегиядан кейинги ўринда турган АҚШда кўрсаткич атиги 0,97 тани ташкил қилади. «Vc.ru» нашри Норвегиянинг муваффақияти сабаблари билан қизиқди.
2015 йилнинг статистик маълумотларига кўра, Норвегия йўлларида 75 мингта фақат электр энергияси билан ҳаракат қилувчи «яшил» автомобиль мавжуд.
Бу кўрсаткичлар асосида Норвегия ҳукуматининг кўмаги ва қўллаб-қувватлаши ётади. Мамлакатда электр автомобиллар инқилобини вужудга келтирган чора-тадбирлар қуйидагилардан иборат:Импорт қилинадиган электромобилларга нисбатан божхона тўловлари, акциз ва экологик йиғимлар, рўйхатдан ўтказиш тўловари нолга тенг
Бу тўловлардан биринчи марта 1990 йилда вақтинчалик чора сифатида воз кечилган, бироқ 1996 йилга келиб бу доимий асосда жорий этилди. Бу имтиёзлар харидорларга икки ҳисса харажатдан халос бўлиш имконини беради. Норвегия ҳудудида умуман автомобиль ишлаб чиқарилмайди, шунинг учун барча машиналар хориждан олиб келинади.2001 йилдан бошлаб Норвегия ҳудудида электромобиллар савдоси учун қўшимча қиймат солиғи солинмайди
ҚҚСнинг ставкаси мамлакатда 25 фоизни ташкил қилади. Натижада солиқ имтиёзлари туфайли электромобиллар нарх курашида бензин ва дизелда ҳаракатланувчи автомобиллардан устун келади. Мисол учун, оддий Volkswagen Golf 300 минг Норвегия кронаси ёки 31,5 минг евро турса, eGolf 250 минг крона ёки 26,5 минг евро туради.1996 йилдан бошлаб «яшил» машиналар эгалари учун йиллик транспорт солиғи бир неча марта камайтирилган
Электромобилларни қувватлаш шохобчалари Норвегия қироллигининг барча йўл тармоқларини бирдек эгаллаган. Бу ҳайдовчиларга қувват тугаб қолишидан қўрқмасдан узоқ масофага юриш имконини беради
2015 йилнинг статистик маълумотларига кўра, Норвегиядаги оддий қувватлаш пунктларининг сони қарийб етти мингтани ташкил қилган, тез ва ярим тез қувватлаш шохобчалари эса 300 тани ташкил қилиб, умумий миқдорда мамлакатдаги АЁҚШлар умумий сонидан кўпроқни ташкил қилади.Электромобиллар учун электр қуввати мутлақо бепул
Қувватлашни фирмаларга қарашли тармоқ шохочаларида ёки бепул розеткалар билан жиҳозланган умумий тўхташ жойларида амалга ошириш мумкин. Таққослаш учун, Норвегияда АИ-95 бензинининг бир литри 1,62—1,72 евро бўлиб, Европадаги энг қиммат нарх ҳисобланади.
Электромобил эгалари пуллик йўлларда, кўприкларда, шунингдек, денгиз паромларида бепул ҳаракатланиш ҳуқуқига эга
Исталган аҳоли пунктидаги маҳаллий ҳукуматга қарашли автомобиль тўхташ жойлари ҳам электромобиллар учун бепул.Яқин вақтгача электромобилларга шаҳар автобуслари учун мўлжалланган йўлларда тўсиқсиз ҳаракатланиш рухсат этилган эди
Баъзи экспертлар томонидан тахмин қилинганидек, 2003 йилда электромобиллар учун Ослода жорий қилинган ушбу устунлик «яшил» автомобиллар сонининг кўпайиб кетгани сабабли 2015 йилнинг ўртасида бекор қилинган.
Автобуслар электромобиллар ортида қолиб кетиб, доимий кечика бошлаган. Бироқ мансабдорлар вақт ўтиши билан ҳукумат маҳаллий расмийларга транспорт оқимини ҳисобга олган ҳолда электромобилларга жамоат транспорти учун мўлжалланган йўлда ҳаракатланишга рухсат бериш ёки уни тақиқлаш ҳуқуқини беради, деб ҳисоблайди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)