Norvegiya hukumati elektromobillarga alohida e’tibor qaratib, ularni o‘z fuqarolari orasida xaridorgir qila oldi. Atigi besh million aholisi bo‘lgan mamlakat foydalaniladigan elektr avtomobillari soni bo’yicha dunyoda birinchi o‘rinda turadi. Har mingta norvegiyalikka 14,7 ta elektromobil to‘g‘ri keladi. Boshqa hech qaysi mamlakat bu natijaga yaqin kela olgani yo‘q. Mutlaq yetakchilik qilayotgan Norvegiyadan keyingi o‘rinda turgan AQShda ko‘rsatkich atigi 0,97 tani tashkil qiladi. “Vc.ru” nashri Norvegiyaning muvaffaqiyati sabablari bilan qiziqdi.
2015-yilning statistik ma’lumotlariga ko‘ra, Norvegiya yo‘llarida 75 mingta faqat elektr energiyasi bilan harakat qiluvchi “yashil” avtomobil mavjud.
Bu ko‘rsatkichlar asosida Norvegiya hukumatining ko‘magi va qo‘llab-quvvatlashi yotadi. Mamlakatda elektr avtomobillar inqilobini vujudga keltirgan chora-tadbirlar quyidagilardan iborat:Import qilinadigan elektromobillarga nisbatan bojxona to‘lovlari, aksiz va ekologik yig‘imlar, ro‘yxatdan o‘tkazish to‘lovari nolga teng
Bu to‘lovlardan birinchi marta 1990-yilda vaqtinchalik chora sifatida voz kechilgan, biroq 1996-yilga kelib bu doimiy asosda joriy etildi. Bu imtiyozlar xaridorlarga ikki hissa xarajatdan xalos bo‘lish imkonini beradi. Norvegiya hududida umuman avtomobil ishlab chiqarilmaydi, shuning uchun barcha mashinalar xorijdan olib kelinadi.2001-yildan boshlab Norvegiya hududida elektromobillar savdosi uchun qo‘shimcha qiymat solig‘i solinmaydi
QQSning stavkasi mamlakatda 25 foizni tashkil qiladi. Natijada soliq imtiyozlari tufayli elektromobillar narx kurashida benzin va dizelda harakatlanuvchi avtomobillardan ustun keladi. Misol uchun, oddiy Volkswagen Golf 300 ming Norvegiya kronasi yoki 31,5 ming yevro tursa, eGolf 250 ming krona yoki 26,5 ming yevro turadi.1996-yildan boshlab “yashil” mashinalar egalari uchun yillik transport solig‘i bir necha marta kamaytirilgan
Elektromobillarni quvvatlash shoxobchalari Norvegiya qirolligining barcha yo‘l tarmoqlarini birdek egallagan. Bu haydovchilarga quvvat tugab qolishidan qo‘rqmasdan uzoq masofaga yurish imkonini beradi
2015-yilning statistik ma’lumotlariga ko‘ra, Norvegiyadagi oddiy quvvatlash punktlarining soni qariyb yetti mingtani tashkil qilgan, tez va yarim tez quvvatlash shosxobchalari esa 300 tani tashkil qilib, umumiy miqdorda mamlakatdagi AYoQShlar umumiy sonidan ko‘proqni tashkil qiladi.Elektromobillar uchun elektr quvvati mutlaqo bepul
Quvvatlashni firmalarga qarashli tarmoq shoxochalarida yoki bepul rozetkalar bilan jihozlangan umumiy to‘xtash joylarida amalga oshirish mumkin. Taqqoslash uchun, Norvegiyada AI-95 benzinining bir litri 1,62—1,72 yevro bo‘lib, Yevropadagi eng qimmat narx hisoblanadi.
Elektromobil egalari pullik yo‘llarda, ko‘priklarda, shuningdek, dengiz paromlarida bepul harakatlanish huquqiga ega
Istalgan aholi punktidagi mahalliy hukumatga qarashli avtomobil to‘xtash joylari ham elektromobillar uchun bepul.Yaqin vaqtgacha elektromobillarga shahar avtobuslari uchun mo‘ljallangan yo‘llarda to‘siqsiz harakatlanish ruxsat etilgan edi
Ba’zi ekspertlar tomonidan taxmin qilinganidek, 2003-yilda elektromobillar uchun Osloda joriy qilingan ushbu ustunlik “yashil” avtomobillar sonining ko‘payib ketgani sababli 2015-yilning o‘rtasida bekor qilingan.
Avtobuslar elektromobillar ortida qolib ketib, doimiy kechika boshlagan. Biroq mansabdorlar vaqt o‘tishi bilan hukumat mahalliy rasmiylarga transport oqimini hisobga olgan holda elektromobillarga jamoat transporti uchun mo‘ljallangan yo‘lda harakatlanishga ruxsat berish yoki uni taqiqlash huquqini beradi, deb hisoblaydi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)