Кўпчилик озиқ-овқатлар иссиқлик ёрдамида ишлов берилганларига қараганда хомлигида фойдали ҳисобланади. Қиздириш ва қайнатиш жараёнида маҳсулотларнинг озуқавий қиймати камаяди, таркибидаги витаминлар ва қатор микроэлементлар йўқолади. Қуйидаги озиқ-овқатларни яхшиси хом ҳолида истеъмол қилиш тавсия қилинади.
Асал
Асал таркибида аминокислоталар, темир, кальций, магний, рух, B1, B2, B6 витаминлари, фоли кислоталари мавжуд. Ишлов берилмаган хом асал иммун тизимини мустаҳкамлайди ва ҳазм қилишни яхшилайди.Буғдой ўсимликлари
Бу ноёб тозаловчи ва ёшартирувчи воситанинг таркиби аминокислоталар, витаминлар, минераллар, энзимлар ва антиоксидантлардан ташкил топган. Бундан ташқари бу ўсимлик таркибида саратонга қарши курашиш хусусиятига эга бўлган моддалар мавжуд.Зайтун ва зайтун ёғи
Бу маҳсулотлар инсон организми учун фойдали бўлган тўйинмаган ёғлардан, шунингдек организм тўлиқ ҳазм қила оладиган витамин ва минераллар манбаи ҳисобланади. Уларни хом ҳолда истеъмол қилиш орқали сиз қон босимини нормаллаштиришингиз, иммунитетни мустаҳкамлашингиз ва ҳазм қилиш тизими фаолиятини яхшилашингиз мумкин.Табиий пишлоқлар
Янги сутдан тайёрланган пишлоқлар табиий ёғлар, оқсиллар ва микроэлементларга жуда бой. Уларни мунтазам равишда истеъмол қилиш организмни ҳар хил касалликлар пайдо бўлишидан ҳимоя қилади.Резавор мевалар
Янги ёки музлатилган резавор мевалар антиоксидантларга жуда бой, бундан ташқари улар таркибида осон ҳазм бўладиган кўплаб фойдали моддалар мавжуд.Балиқ
Балиқ биринчи навбатда, ёғ эритувчи витаминлар манбаи сифатида қадрланади. Лекин иссиқлик ёрдамида ишлов берилганда озуқавий қиймати анча камаяди. Маҳсулотдаги фойдали хусусиятларни хом ҳолда истеъмол қилиш орқали сақлаб қолиш мумкин.Манба: «Gastronom.ru»
Изоҳ (0)