Ҳар куни смартфон фойдаланувчилари юзлаб турли хавфларга дуч келади, булар вируслар ва хира рекламалардан тортиб, пароллар ва шахсий маълумотлар ўғрилигигача бўлган ҳолатлардир. Бизнинг рўйхатда келтирилган дастурлар билан сиз ва сизнинг шахсий ҳаётингиз хавфсизликда бўлади!
Adblock Browser
Ичида реклама блоклагичи бўлган мобил браузер. Айнан реклама туфайли саҳифалар шунчалик секин юкланади, тармоқ трафиги кўпаяди, батарея эса 20 фоизга тезроқ камаяди. Аммо бу ҳали содир бўлиши мумкин бўлган энг қўрқинчли нарса эмас. Кўпинча реклама ниқоби остида зараркунанда дастурлар ва жосус дастурлар яширинган бўлади. Adblock Browser фойдаланувчининг махфийлигини ҳимоялайди.Micro Guard Free
У ҳеч кимга сизнинг суҳбатларингизни тинглаш имконини бермайди. Сервис микрофондан фойдаланишга уринаётган дастурларни аниқлайди ва фойдаланувчини махсус сигнал ёрдамида огоҳлантиради.AppLock
У махфий ахборотдан фойдаланишни блоклайдиган шлюз дастур бўлиб, унинг ёрдамида ижтимоий тармоқдаги ўз саҳифангиз, фотосуратларингиз, хабарларингиз, электрон почтангизни бошқа фойдаланувчи учун ёпиб қўйишингиз мумкин.Сервис смартфонда турли фойдаланиш даражаларига эга профилларни созлаш имконини беради. Масалан, меҳмон фақат қўнғироқ қила олади, фотогалереяни эса оча олмайди.
Kid’s Shell
У фақат рухсат этилган дастурлар билан ишлаш учун болалар қобиғи. Дастур ҳақиқий экран устидан параллел ишчи панелини яратади, унда хавфсиз иконкалар — ўйинлар, ўргатувчи дастурлар, мусиқа ва бошқа дастурларни такрорлаш мумкин. Дастурга кириш ва ундан чиқиш учун парол киритиш керак.Camera Blocker
Камерани жосус дастурлар ва вируслардан блокловчи дастур. Одатда ўрнатиладиган дастурларнинг ҳар иккинчиси камерадан фойдаланиш учун рухсат сўрайди ҳамда фото ва видеомаълумотларни интернетга узатиш учун очиқ ойна яратади. Сервис камерадан рухсатсиз фойдаланиш бўйича ҳар қандай уринишларни блоклайди. Шу билан бирга дастурнинг ўзи камерадан фойдаланиш учун рухсат сўрамайди.Манба: «Лайфхакер»
Изоҳ (0)