Европа Чемпионлар лигасининг нимчорак финалида Германиянинг «Байер» клубига чиқиш эшикларини кўрсатиб қўйган «Атлетико», бу сафар «Лестер» довонидан ўта олди ва ярим финалга йўлланмани қўлга киритди.
Томонларнинг «Висенте Кальдерон» стадионида ўтган биринчи учрашувида Антуан Гризманнинг пенальтидан урган ягона голи ўйин тақдини ҳал қилганди. «Лестер» стадионидаги беллашув эса 1:1 ҳисоби билан якунига етди.
Бир йил муқаддам Чемпионлар лигасининг финалига қадар етиб бориш учун «Атлетико» ғолибликка асосий даъвогар бўлган «Барселона», «Бавария» каби клубларни турнирдан чиқариб юборганди. Бу сафар эса ярим финалга қадар Диего Симеоне жамоасига Германия ва Англия чемпионатларининг ўртамиёна жамоалари рақиб бўлди.
Шу тариқа «Лестер»нинг Чемпионлар лигасидаги эртаги чорак финалда ўз якунига етди.
Европа Чемпионлар лигаси Чорак финал 18 апрель, сешанба
Изоҳ (0)