Кимёвий қуролни тақиқлаш бўйича ташкилот Идлибда зарин қўлланилганини маълум қилди

Суриянинг Идлиб вилоятидаги Хон-Шайхун шаҳрига уюштирилган ҳужум вақтида «зарин ёки заринга ўхшаш модда» қўлланилган. Бу ҳақда Кимёвий қуролни тақиқлаш бўйича ташкилот (КҚТТ) Аҳмет Узумжу маълум қилди, дея хабар бермоқда Meduza.

Reuters’нинг қайд этишича, КҚТТ мутахассислари ўтказган тадқиқот натижалари Туркия ва Британия экспертлари хулосалари билан бир хил чиқди.

Хон-Шайхунга ҳужум оқибатида қарийб 90 киши ҳалок бўлган. Шифокорлар қурбонларда асабни фалажловчи модда билан заҳарланиш белгиларини аниқлаган. Ғарб мамлакатлари Сурия ҳарбий-ҳаво кучларини кимёвий қуролдан фойдаланишда айблаган.

Расмий Дамашқ ва Москва бунга жавобан Сурия ҳарбий авиацияси жангариларнинг Идлибдаги марраларига зарба бергани, зарбалардан бири жангариларга тегишли кимёвий қурол сақланаётган омборга бориб тушгани ҳақида баёнот берди.

Идлибга ҳужумдан сўнг АҚШ Сурия авиабазасига қанотли ракеталар билан зарба берди. Бунга жавобан Москва Сурия осмонида авиаҳодисаларнинг олдини олиш бўйича Вашингтон билан келишувни бекор қилди.

«Дарё»нинг Telegram’даги расмий канали — @toshqindaryo’га аъзо бўлинг!