Сурия армиясининг собиқ генерали Зоҳир ас-Сакат The Telegraph нашрига берган интервьюсида Сурия ҳукумати халқаро ташкилотлардан катта миқдорда кимёвий қуролларни яширганлиги ҳақида сўзлади, деб хабар бермоқда «Коммерсантъ».
«Сурия ҳукумати 1,3 минг тоннагина кимёвий қурол борлигини тан олди, бироқ биз кимёвий қурол миқдори аслида бундан икки баробар кўп эканлигини яхши биламиз... Уларда камида 2 минг тонна кимёвий қурол бўлган», — деди ас-Сакат.
Зоҳир ас-Сакат 2013 йилга қадар Сурия армиясининг бешинчи дивизиясида кимёвий қуроллар бўйича бўлинмани бошқарган. Нашрнинг маълумот беришича, у армиядан кетган бўлса ҳам, Сурия ҳукумати билан алоқаларини сақлаб қолган.
Айни вақтда АҚШ Сурия ҳукумати кимёвий қурол захирасига эга эканлигини таъкидлаш билан бирга, уни ушбу қуролдан фойдалангаликда ҳам айбламоқда.
Америка яқинда Идлиб вилоятига уюштирилган кимёвий ҳужум учун жавобгарликни Сурия ҳукумати зиммасига юклади. Ҳужум оқибатида 80 дан ортиқ инсон ҳалок бўлган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)