United Airlines авиакомпанияси йўловчини рейсдан тушириб қолдирганидан сўнг, можаро марказида қолди. Шундан сўнг, бундай вазиятларга тегишли қоидаларига ўзгартириш киритди. Бу ҳақда «Коммерсантъ» хабар бермоқда.
Хабар беришларича, эндиликда United Airlines ходимлари йўловчидан фақатгина парвозга камида бир соат қолганида, йўловчилар самолётдаги ўз жойини эгаллаб олгунига қадар салондаги ўрнини бўшатиб беришларини илтимос қилиши мумкин.
Агар авиакомпания ходими бошқа бир рейсни амалга ошириши учун учиши керак бўлса, қоидадан ташқари истисно қилинади.
Аввалроқ, Американинг United Airlines авиакомпанияси ўз ходимларига жой етмагани сабабли йўловчилардан бирини рейсдан куч ишлатиб тушириб юборган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)