Мосул шаҳрида ракета зарбаси ёрдамида ИШИД террорчилик ташкилоти бошлиқларидан бири — Абдулла ал-Бадраний йўқ қилинди. Бу ҳақда 14 апрель, жума куни Ироқ федерал полицияси бошлиғи Раёз Шокир маълум қилди, деб хабар бермоқда «РИА Новости».
Шокирнинг сўзларига кўра, радикаллар орасида Абу Аюб ал-Аттор лақаби билан танилган террорчи Мосулнинг ғарбий қисмидаги Рифаи ҳудудида йўқ қилинган.
Ироқ ҳарбийлари ва АҚШ бошчилигидаги коалициянинг Мосулни озод қилиш бўйича операцияси 2016 йилнинг октябрида бошланган эди. Операция давомида ҳозиргача шаҳарнинг шарқий қисми озод этилган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)