АҚШ ҳукумати Шимолий Кореяга нисбатан «максимал босим» сиёсатини юритишга қарор қилди. Бу ҳақда, ўз манбаларига асосланиб, Associated Press агентлиги хабар бермоқда.
«Коммерсантъ»нинг ёзишича, исмини ошкор этишни истамаган америкалик амалдор АҚШ Шимолий Кореянинг ядровий синовларига ҳарбий чоралар билан жавоб бермаслигини айтди, бироқ КХДР Жанубий Корея ё Японияга зарба беришга қарор қилиб қолса, Вашингтон ўз режаларини ўзгартириши мумкин.
Associated Press суҳбатдошларидан бирининг сўзларига кўра, Оқ уй Хитой томонидан кўрсатиладиган кўмак билан Шимолий Кореяга «босим» ўтказиш ниятида. Шунингдек, манбаларнинг қайд этишича, Вашингтон Россиянинг кўмагидан ҳам умид қилмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)