Афғонистондаги ИШИД марраларига «барча бомбаларнинг онаси» ёрдамида зарба берилиши оқибатида камида 90 нафар жангари ҳалок бўлган. Бу ҳақда Meduza хабар бермоқда.
Зарбани қабул қилган Афғонистоннинг Ачин тумани раҳбарининг AFP’га маълум қилишича, ҳодиса оқибатида 92 киши ҳалок бўлган. Унинг сўзларига кўра, тинч аҳоли вакиллари ва ҳарбийлар орасида қурбонлар йўқ. Нангарҳор вилояти вакили эса Associated Press агентлигига 94 киши ўлганини маълум қилди.
Аввалроқ Афғонистон ҳукумати зарба оқибатида 36 нафар жангари йўқ қилинганини билдирган эди. ИШИДга алоқадор Amaq агентлиги эса АҚШ авиазарбаси оқибатида ташкилот жангарилари ҳалок бўлгани ҳақидаги хабарларни рад этиб чиқди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)