АҚШнинг Мичиган университети талабалари 680 килограмм оғирликдаги Рубик кубигини яратди. Уни йиғиш ҳатто энг кучли ва чаққон одамда ҳам бир соатга яқин вақт олади, дея ҳикоя қилади «РИА Новости».
«Бу йиғиш мумкин бўлган энг катта механик Рубик кубиги. У қачондир университетнинг шимолий кампусидаги кулгули ‘шаҳар афсонаси’ эди, уни яратишга бир неча йил вақтимиз кетди. Ҳозир эса уни бемалол интерфаол санъат буюми деб аташ мумкин», — дейди университет талабаси, улкан кубик муаллифларидан бири Райан Кун.
Рубик кубигини ёқтирадиган Кун ва университетнинг яна бир неча талабаси бошқотирманинг имкон қадар катта ва оғир версиясини яратишга қарор қилди.
Бу ғоя уларга 3 йил аввал — 2014 йилнинг 14 мартида келган эди, шундан бери ўтган вақт улкан Рубик кубигини лойиҳалаштириш ва йиғишга кетди.
Бошқотирманинг якуний кўриниши университетнинг марказий ҳоллига ўрнатилди. Энди уни ҳар бир талаба ёки меҳмон ечишга уриниб кўриши мумкин.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)