Москва ва бутун Россия патриархи Кирилл 2017 йилнинг май-июнида Ўзбекистонга ташриф буюриши кутилмоқда. Бу ҳақда «Интерфакс» агентлиги Россия ташқи ишлар вазирлигига таяниб хабар берди, деб ёзади UzDaily.
Давлат думасининг МДҲ масалалари бўйича қўмитаси мажлисида вазирликнинг МДҲ департаменти директори ўринбосари Евгений Терёхин айни пайтда патриархнинг Ўзбекистонга ташрифига тайёргарлик ишлари олиб борилаётганини айтиб ўтди.
Унинг таъкидлашича, Патриарх Кириллнинг ташрифи шу йилнинг 21—25 апрелига режалаштирилган. Аммо у ташриф муайян вазиятлардан келиб чиқиб, шу йилнинг май-июнига кўчирилиши мумкинлигини қўшиб қўйди.
Терёхин таъкидлашича, ҳозирча ташриф саналари келишилмаган.
Изоҳ (0)