2016 йил ва 2017 йилнинг уч ойи давомида мансабдорлик ёки иш фаолият билан боғлиқ жиноятларни содир этганлик учун Тошкент шаҳрида 944 нафар шахсга нисбатан 566 та жиноят иши кўриб чиқилган. Бу ҳақда Тошкент шаҳар ИИББда 13 апрелда бўлиб ўтган брифингда маълум қилинди.
Кўриб чиқилган ишлар Жиноят Кодексининг 19 та моддасида кўрсатилган жиноят ишлари бўйича олиб борилган. Жумаладан, Жиноят Кодексининг 210-моддаси билан 33 та жиноят иши бўйича 36 нафар, 211-моддасига асосан тергов қилинган 122 та жиноят иши бўйича 156 нафар шахс жиноий жавобгарликка тортилган.
190 нафар шахсга нисбатан озодликдан маҳрум қилиш жазоси тайинланган. 187 нафар шахсга нисбатан ахлоқ тузатиш ишлари, 205 нафар шахсга нисбатан жарима, 10 нафарига нисбатан қамоқ ва 403 нафар шахсга нисбатан муайян ҳуқуқлардан маҳрум қилиш жазоси қўлланилган.
«Жиноий жазоларни либераллаштириш тўғрисида»ги қонун нормалари қўлланилиб, 128 нафар шахс жазодан озод қилинган. Уларнинг 22 нафарига Жиноят Кодексининг 72-моддаси, яъни шартли ҳукм қилиш, 127 нафарига Жиноят Кодексининг 57-моддаси, яъни енгилроқ жазо тайинлаш нормалари қўлланилган.
Ўтган давр мобайнида ҳоким ва уларнинг ўринбосарларидан битта жиноят иши бўйича битта шахс, прократура ходимларидан 2 та жиноят иши бўйича 2 нафар шахс, суд ижро департаментидан 3 та жиноят иши бўйича 3 нафар шахс, адлия идораларидан 2 та жиноят иши бўйича 2 нафар шахс, ички ишлар идоралари ходимларидан 60 та жиноят иши бўйича 97 нафар шахс, солиқ қўмитаси ходимларидан 3 та жиноят иши бўйича 3 нафар шахс, божхона идораларидан 2 та жиноят иши бўйича 2 нафар шахсга нисбатан тегишли жазолар тайинланган. Улардан 83 нафари муайян ҳуқуқдан маҳрум қилинган.
Тергов ва суд давомида мансабдорлик ёки иш фаолият билан боғлиқ жиноятларни содир этиш жараёнида етказилган 65 597 000 000 сўм зарарнинг 63 268 000 000 сўми ундирилиши таъминланган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)