Америкалик актёр, сценарийнавис ва кинорежиссёр Бен Аффлек ўз рафиқаси — актриса Женнифер Гарнер билан ажрашмоқда. Уларнинг иккиси ҳам биргаликда орттирилган мол-мулк ва болалар устидан алоҳида васийлик масалалари бўйича судлашишдан бош тортган. Бу ҳақда машҳурлар ҳаёти тўғрисидаги махфий ахборотга ихтисослашган TMZ янгиликлар ресурси хабар берди, деб ёзади «ТАСС».
Унинг маълумотларига кўра, Бен ва Женнифер ажрашиш учун бир вақтда ариза берган, уларнинг аризалари деярли бир хил. Иккаласи ҳам адвокатлар хизматидан фойдаланишдан бош тортган. Актёрлар уч фарзандини биргаликда тарбиялашда давом этишга келишиб олган. Онага алимент тўлаш масаласи очиқ қолдирилган ва у суд қарорига боғлиқ бўлади.
Эслатиб ўтамиз, Бен Аффлек ва Женнифер Гарнер ажрашиш қарори ҳақида 2015 йил июнида расман эълон қилган эди.
44 ёшли Аффлек ва 45 ёшли Гарнер 2005 йилда турмуш қурган бўлиб, уларнинг икки қизи ва бир ўғли бор.
Изоҳ (0)