2017 йил 11 апрель куни Тошкент – Жидда йўналиши бўйича кетган сўнгги ўзбекистонлик зиёратчилар умра арконларини тўлиқ бажариб, соғ-саломат Ўзбекистонга қайтди. Бу ҳақда Дин ишлари бўйича қўмита ахборот хизмати хабар берди.
Зиёратчиларни Тошкент халқаро аэропортида Дин ишлари бўйича қўмита, Ўзбекистон мусулмонлари идораси ҳамда бошқа мутасадди ташкилотлар вакилларидан иборат ишчи гуруҳ кутиб олди. Зиёратчилар 10 кун давомида Саудия Арабистонининг Макка ва Мадина шаҳарларида бўлиб, муқаддас қадамжоларни зиёрат қилди.
Шу йилнинг 20 февралидан 11 апрелига қадар ўзбекистонлик зиёратчиларнинг Саудия Арабистони подшоҳлигига умра сафарлари ташкил этилди.
Зиёрат 10 кунни ташкил этди. Зиёратчиларга мавсум давомида ўзбекистонлик 8 нафар ишчи гуруҳ, 27 нафар шифокор ва 8 нафар ошпаз хизмат кўрсатди.
Ўзбекистонлик зиёратчилар истиқомат қилишлари учун Мадина шаҳрида «Масжиди набавий»дан 100-150 метр масофада жойлашган тўрт юлдузли «Мавадда Нур», Макка шаҳрида эса «ал-Ҳарам» масжидидан 800 метр узоқликдаги «Аброж ал-Кисва» меҳмонхоналари хизмат кўрсатди.
«Умра-2017» баҳор мавсуми муваффақиятли якунланиб, унда Ўзбекистондан жами 5500 нафар фуқаро умра амалларини бажариб қайтди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)