«Ўзбекистон» халқаро анжуманлар саройида Россия халқ артисти, Мюнхен филармонияси оркестри бош дирижёри Валерий Гергиев бошчилигида Санкт-Петербургнинг Мариинский театри филармония оркестри концерти бўлиб ўтди. ЎзА хабарига кўра, кечада К.Дебюсси, I.Стравинский, П.Чайковский ижодига мансуб мусиқалар янгради.
Таниқли рус санъаткорлари иштирокидаги концертда солист — иқтидорли ёш ўзбек пианиночиси Беҳзод Абдураимов машҳур рус композитори Сергей Прокофевнинг оркестр жўрлигида фортепиано учун «3-концерт»ини ижро этди.
«Машҳур рус дирижёри, нафақат Россия, айни пайтда Буюк Британия, Франция, Италия, Германия, Япония, Испания ва бошқа мамлакатлар филармоник оркестрларига дирижёрлик қилиб келаётган Валерий Гергиевнинг Тошкентдаги концерти мухлислар олқишига сазовор бўлди», — деб ёзади ЎзА.
Изоҳ (0)