Таниқли ёзувчи ва саёҳатчи Пауло Коэльо ўзининг саёҳатга ёндашувларини таклиф қилади, улар сиз сафар қилган жойда яшаш ва у ерни ҳис қилишда ёрдам беради.
Музейлардан узоқ юринг
Маслаҳат жуда кулгили туюлиши мумкин, аммо келинг, ўйлаб кўрамиз: бегона шаҳарга борганда унинг ўтмишини эмас, замонавий ҳаётини ўрганиш қизиқроқ бўлмайдими?Одамлар ўзларини музейларга боришга мажбур ҳис қилишларига болаликдан маданиятни ўрганиш усули сифатида сингдирилган тушунча сабабчидир.
Очиқ бўлинг
Энг яхши гидлар — маҳаллий одамлар. Улар ҳамма нарсани билади, ўз шаҳарлари билан фахрланади, аммо маълум бир агентликка ишламайди. Шунчаки кўчага чиқиб, бирорта одамдан савол сўранг, масалан, бирор жойга қандай етиб бориш мумкинлиги ҳақида. Муносиб суҳбатдошни топиб олсангиз, бутун кунни у билан ҳамроҳликда ажойиб ўтказиш мумкин.Ёлғиз саёҳат қилинг
Фақат шундагина ўз мамлакатингизни ҳақиқатан ҳам тарк этиш мумкин. Агар гуруҳ бўлиб сафарга чиқсангиз, ўз тилингизда гапиришда давом этасиз, гиднинг кўрсатмаларига амал қиласиз ва ўзингиз келган жойдан кўра кўпроқ гуруҳдаги сафсаталар ҳақида ўйлайсиз.Таққосламанг
Ҳеч нарсани — на нархларни, на тозаликни, на ҳаёт сифатини, на транспортни таққосламанг. Ҳеч нарсани! Сиз ўзингиз яхшироқ яшаётганингизни исботлаш учун саёҳат қилаётганингиз йўқ. Бошқаларнинг ҳаёти билан танишинг ва улардан ўрганиш мумкин бўлган нарсаларни изланг.Жуда кўп нарса харид қилманг
Кўтариб юриш керак бўлмайдиган нарсаларга пул сарфланг: театрга чипталар, ресторанларга ташриф, экскурсиялар. Глобал бозор ва интернет даврида ҳамма нарсани сотиб олиш ва ортиқча юк учун пул тўламаслик имконияти бор.Манба: «Fishki.net»
Изоҳ (0)