Ўзбекистон Молия вазирлигининг қарори (pdf) билан Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси томонидан пенсия, нафақа ва бошқа тўловларни тўлашни ташкил этиш тартиби тўғрисидаги йўриқномага ўзгартириш ва қўшимчалар киритилди, деб ёзади Norma.
Шахсий карточкалар (шахсга пенсиялар тайинлаш бўйича комиссия қарори асосида тайинланган пенсия ва нафақалар ҳақидаги маълумотлар қайд этиладиган ҳужжатлар) энди фақат электрон кўринишда ёзиб борилади ва ахборот тизимида расмийлаштирилади.
Шунингдек, Пенсия ва нафақаларнинг банк пластик карточкалари орқали тўлаш учун маблағларни ўтказиш Пенсия жамғармаси бўлимлари томонидан ахборот тизими орқали электрон шаклда тақдим этилган тўлов топшириқномаси ва қайднома асосида амалга оширилади.
Пенсионер ва нафақа олувчининг банк пластик карточкаларига маблағлар кирим қилинган сана, пенсия ва нафақалар тўланган сана деб ҳисобланади.
Банк пластик карточкаларига маблағлар пенсионерлар ва нафақа олувчилар вафот этган санадан сўнг кирим қилинган ҳолларда, Пенсия жамғармаси бўлимлари уларни Пенсия жамғармаси ҳисобварағига вафот этган пенсионерлар ва нафақа олувчиларнинг ҳисобварағидаги қолдиқ маблағлар ҳисобидан қайтариш тўғрисида тегишли тижорат банклари филиалларига хат юбориш орқали қайтариш чораларини кўради.
Изоҳ (0)