Коррупцияга қарши кураш фонди асосчиси Алексей Навальний USM Holdings бош акциядори, миллиардер Алишер Усмоновнинг Навальнийни судга бериш қарорини изоҳлади, деб ёзади «РБК».
«О, (Ўзбекистон ССРда 6 йил қамоқда ўтирган) Алишер Усмонов мени ‘жиноятчи’ деб атаяпти ва устимдан органларга ариза бермоқчи», — деб ёзди у ўз Twitter’ида.
Аввалроқ Алишер Усмонов мухолифатчи Алексей Навальнийни судга бериши ва ҳуқуқ-тартибот органларига ариза ёзиб, унинг гапларини туҳмат деб аташини айтган эди.
Навальний YouTube’га гўёки Дмитрий Медведевнинг мол-мулки ҳақида ҳикоя қилувчи фильмни жойлаган, унда Усмонов ҳам тилга олинган эди.
Изоҳ (0)