Суриялик ҳарбийлар мамлакат шарқидаги Дейр-аз-Зор шаҳрида ИШИД террорчиларига, жанубда эса «Жибҳот ан-Нусра» жангариларига зарбалар берди, деб ёзади «РИА Новости» Сурия телеканалларидан бирига таяниб.
Ҳарбий манбага кўра, Дейр-аз-Зор провинциясидаги аэродром яқинида ва 137-полк базаси ҳудудида, шунингдек, Дейр-аз-Зор шаҳрида армия бўлинмалари ИШИД нуқталарига зарбалар берди. 14 террорчи ва уларнинг ҳарбий техникаси йўқ қилинди.
Бундан ташқари, мамлакат жанубидаги Дераа шаҳрида армия бўлинмалари «Жибҳот ан-Нусра» террорчилари нуқталарини ер билан яксон қилди. Дераа провинциясининг Ал-Гари Ал-Гарбия туманида саккиз кишилик «Жибҳот ан-Нусра» террорчилар гуруҳи тўлиқ йўқ қилинди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)