Ливанда фаластинлик қочоқларнинг Айн ал-Хилва лагерида юзага келган жанговар тўқнашувлар натижасида камида саккиз киши (беш нафари — тинч аҳоли вакиллари) ҳалок бўлди ва 40 киши яраланди, деб ёзади «РИА Новости».
Айн ал-Хилва 1948 йилда Қизил Хоч ташкилоти томонидан фаластинликлар учун ташкил этилган, ҳозирда у ерда турли маълумотларга кўра, 100 мингга яқин одам, шу жумладан, суриялик қочоқлар яшайди.
Тўқнашувлар 7 апрель, жума куни лагерь хавфсизлик кучлари ва у ерда ўз таъсир кучига эга бўлишга уринаётган экстремистлар ўртасида юз берди. Лагерь хавфсизлик кучлари мустақил тарзда ташкил қилинган, чунки Ливан ҳарбийлари азалдан лагерь ҳаётига аралашмайди.
Изоҳ (0)