Ўзбекистон Республикаси Олий Мажлиси Қонунчилик палатаси депутати, Ўзбекистон «Миллий тикланиш» демократик партияси фракцияси аъзоси Азамат Пардаев ҳамда туман Кенгаши депутатлари Пастдарғом туманининг «Қуқони», «Жағалбойли», «Қоровултепа», «Қорағуппа» МФЙ ҳудудидаги аҳоли билан мулоқотлар ўтказди. Бу ҳақда Қонунчилик палатаси матбуот хизмати хабар бермоқда.
Ҳудуддаги 20-умумтаълим мактабнинг фасад қисмидаги дераза ромлари эскирганлиги, мавжуд спорт залининг ностандарт, ҳашар йўли билан қурилганлиги сабабли реконструкция қилишга муҳтожлиги кузатилди. 43-MTM бинолари ҳам капитал таъмир ҳолатига келиб қолганлиги, мебел ва юмшоқ жиҳозлар билан таъминланиш эҳтиёжи мавжудлиги аниқланди. Мазкур масалаларнинг ечими юзасидан Давлат Дастурига киритиш юзасидан таклифлар бериш кўзда тутилди.
«Жағалбойли» МФЙда ташкил этилган «Ўзбекистон йўлбарслари» бокс клубида шуғулланаётган 50 дан ортиқ ёш спортчи фаолияти ҳам депутат А.Пардаев томонидан ўрганилди. Клуб мураббийи Бахтиёр Абдураҳмонов бир йил давомида маош олмасдан хизмат қилаётганлиги ва клуб фаолият юритиши учун тегишли ташкилотларда расмийлаштирилмаганлиги аниқланди. Натижада клуб мураббийи Бахтиёр Абдураҳмонов Пастдарғом тумани 1-сон БЎСМга ишга жойлаштирилди ва клуб ҳужжатлари расмийлаштирилиб олинди.
Депутатлар тумандаги бошқа маҳаллаларга ҳам ташриф буюриб, аҳоли билан юзма-юз мулоқотлар олиб бормоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)