Тошкентдаги Турин политехника университети янги ўқув йилида 400 нафар талаба қабул қилади

Ўзбекистон Республикаси Вазирлар Маҳкамаси 2017 йил 5 апрелда «Тошкент шаҳридаги Турин политехника университетига 2017—2018-ўқув йили учун қабул тўғрисида»ги қарорни қабул қилди. Бу ҳақда UzReport хабар берди.

Қарорга асосан, Турин политехника университетининг бакалавриат босқичига белгиланган мутахассисликлар бўйича тўлов-шартнома асосида 350 киши қабул қилинади.

Жумладан:

Машинасозлик технологияси — 200 киши;

Энергетика — 25 киши;

Саноат-фуқаролик қурилиши ва архитектура — 25 киши;

Ахборот технологиялари ва саноатда автоматлаштирилган бошқарув тизими — 100 киши.

Бундан ташқари, янги ўқув йилидан бошлаб магистратура босқичига тўлов-шартнома асосида 50 киши қабул қилинади.

Maгистратура босқичига қуйидаги йўналишларда талабалар қабул қилинади:

Мехатроника — 25 киши;

Саноат маркетинги — 25 киши.

«Дарё»нинг Telegram’даги расмий канали — @toshqindaryo’га аъзо бўлинг!