Вазирлар Маҳкамасининг «Ўзбекистон Республикаси Вазирлар Маҳкамаси ҳузуридаги Йўл-қурилиш ишлари сифатини назорат қилиш Давлат инспекцияси фаолиятини ташкил қилиш тўғрисида»ги қарорига биноан бевосита ҳукуматга бўйсунувчи ҳамда республикадаги йўл қурилишини назорат қилувчи ваколатли давлат органи ташкил этилди. Бу ҳақда Автомобиль йўллари давлат қўмитаси матбуот хизмати хабар бермоқда.
Ҳукумат қарори билан тасдиқланган янги инспекция Низомига асосан, унинг асосий вазифалари этиб қуйидагилар белгиланди:
- Юридик ва жисмоний шахслар томонидан йўл қурилиш ишларида, йўл-қурилиш материаллари, маҳсулотлар ва конструкцияларни ишлаб чиқаришда техник жиҳатдан тартибга солиш соҳасидаги норматив ҳужжатлар талабларига риоя этилишини назорат қилиш;
- қурилиши тугалланган йўл объектларини фойдаланишга қабул қилиш бўйича комиссиялар ишида қатнашиш;
- йўл қурилишида шаҳарсозлик қонунчилигига риоя қилиниши устидан назорат қилишни ташкил этиш борасида норматив ҳужжатларни ташкиллаштиришга доир таклифлар киритиш ва унда иштирок этиш;
- йўл-қурилиш материаллари, маҳсулотлар ва конструкцияларни стандартлаштириш ва сертификатлаштириш ишларини олиб бориш.
Изоҳ (0)