Халқ депутатлари Тойлоқ туман кенгаши сессияси кун тартибига аҳолига тиббий хизмат кўрсатиш сифати, дори воситалари таъминотини яхшилаш, бу соҳада депутатлар ва жамоатчилик назоратини самарали амалга ошириш чора-тадбирлари тўғрисидаги масала киритилди. Бу ҳақда Самарқанд вилоят ҳокимлиги ахборот хизмати хабар бермоқда.
Туман аҳолисига бирламчи тиббий-санитария ёрдами кўрсатувчи қишлоқ врачлик пунктлари тармоғини оптималлаштириш режаси ишлаб чиқилди. Унга кўра, 22 та қишлоқ врачлик пункти 2 тага қисқартирилиб, 18 таси ҚВП шаклида қолдирилади, 2 та ҚВП базасида поликлиника ва қўшимча битта тез тиббий ёрдам шохобчаси ташкил этилади.
Мазкур масала юзасидан Олий Мажлис Қонунчилик палатаси депутати Алишер Ҳамроев ва туман тиббиёт бирлашмаси бошлиғи ўринбосари Нурилло Баҳриев ўз фикр-мулоҳазаларини билдирди.
Сессияда ташкилий масалалар кўрилди. Вилоят ҳокими қарори билан Дилфуза Камолова туман тиббиёт бирлашмаси бошлиғи — туман марказий шифохонаси бош шифокори этиб тайинланди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)