Самарқанднинг Пахтачи туманида почта алоқа бўлимлари қисқариб, штатлари камайиб кетяпти. Бу ҳақда Махсиддин Тоғаев «Зарафшон» газетасига йўллаган мактубида маълум қилди.
«Масалан, «Пўлатчи» қишлоқ фуқаролар йиғини ҳудудида 5 та умумтаълим мактаби, 2 та мактаб филиали, 2 та ҚВП, 6 та маҳалла бўлиб, жами 12 минг нафардан ортиқ аҳоли яшайди. Шу ҳудудда битта почта алоқаси бўлими бўлиб, унинг ҳам биноси йўқ. Бир раҳбар-у бир ходим ишлайди.
Хонадонларга газета келтирилмаганига ҳам анча бўлди. Собиқ жамоа хўжалиги идорасида жой бор, маҳалла фуқаролар йиғини идораси биносида ҳам 2 та хона топилади. Аммо туман раҳбарлари бу ишга киришишни истамайди, шекилли. Почта идорасига бино ажратилиб, аҳоли ўртасида обуна ташкил этилса, одамлар газета ўқиб, маънавий, сиёсий савиясини оширса ёмонми?»— дея куюниб ёзади газетхон.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)