Қашқадарё вилоят тошқинга қарши комиссияси ҳайъат йиғилишида сув тошқинлари, сел келиши каби ҳолатлар олдини олиш, аҳоли ва ҳудудлар муҳофазасини таъминлаш хусусида сўз борди. Бу ҳақда «Қашқадарё газетаси» хабар бермоқда.
Тадбирда таъкидланганидек, соҳа ходимлари томонидан тошқин ва сел келиши хавфи мавжуд бўлган ҳудудлар мунтазам равишда ўрганилиб, муҳофаза чоралари кўриб келинмоқда.
Хусусан, жорий йилда вилоятдаги 12 та сув объектида фавқулодда ҳолатлар рўй бериши хавфи аниқланиб, уларни бартараф этиш мақсадида белгиланган тартибда қурилиш ишлари амалга оширилмоқда.
Йиғилишда аҳолини хавфсиз ҳудудларга кўчириш, дарё ва сув омборлари атрофидаги емирилишлар, ер чўкишларини аниқлаб, ўз вақтида муҳофаза чораларини кўриш юзасидан кечиктириб бўлмайдиган вазифалар белгилаб олинди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)