Туркия президенти Ражаб Тоййиб Эрдўғон Манбиж ва Раққа шаҳарларини мамлакат қуролли кучларининг Суриядаги навбатдаги мақсадлари деб атади. Бу ҳақда «РИА Новости» хабар бермоқда.
«Ал-Боб — биз натижага эришаётганимизни тасдиқлайдиган сўнгги мисол. Аввалроқ Жараблус, Dabiq, Ар-Раи озод этилган эди. Юришни давом эттирамиз, олдинда Манбиж кутиб турибди. Агар коалиция берган ваъдасида турса, Раққани ҳам озод қиламиз», — деди Эрдўғон Бурсадаги намойишда қилган чиқиши чоғида.
Туркия армияси 2016 йилнинг 24 августида Суриядаги ИШИД террорчилик ташкилотига қарши «Фрот қалқони» номли ҳарбий операцияни бошлаган эди.
Операция доирасида Сурия шимолидаги Жараблус, Ал-Боб шаҳарлари террорчилардан озод қилинди. Март ойида «Фрот қалқони» операцияси муваффақиятли якунлангани эълон қилинди.
Айни вақтда Туркия бош вазири Бинали Йилдирим мамлакат хавфсизлиги учун таҳдид сезилса, янги операция бошланиши мумкинлигини айтиб ўтган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)