БМТнинг Сурия бўйича тергов комиссияси Идлиб вилоятида рўй берган кимёвий ҳужум ҳамда госпиталга берилган зарба юзасидан текширувни бошлади, дея хабар берди «Коммерсантъ».
«Ҳужумда кимёвий қуролдан фойдаланилганлиги ҳақидаги хабар саросима уйғотмоқда. Комиссия айни вақтда ҳужумга боғлиқ вазият юзасидан терговни бошлаган», — деб Комиссия баёнотидан парча келтирди «РИА Новости».
Шунингдек, кимёвий қурол қўллаш, худди тиббиёт муассасасига қасддан уюштирилган ҳужум каби ҳарбий жиноят ва халқаро гуманитар ҳуқуқларни бузганлик ҳисобланиши қайд этилмоқда. «Ҳужумлар ортида ким турганини топиб, уни жазолаш жуда муҳим», — дейилади Комиссия баёнотида.
БМТ Хавфсизлик Кенгши раиси Никки Хейли Идлибдаги вазиятнинг Хавфсизлик Кенгашидаги муҳокамаси 5 апрель, чоршанба куни соат 10:00 (Тошкент вақти билан 19:00) бўлиб ўтишини маълум қилди.
Олдинроқ Суриянинг мухолифат томонидан назорат қилинадиган Хон-Шейхун шаҳрида мамлакат ҳарбий-ҳаво кучлари ҳужуми оқибатида ўнлаб кишилар «газ ҳужуми» қурбони бўлгани хабар қилинганди. Сурия армияси эса ҳарбий ҳаракатлар вақтида кимёвий қуролдан фойдалангани ҳақидаги хабарларни рад этди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)