Санкт-Петербург метросида юз берган терактга қарамай, Ўзбекистон Президенти Шавкат Мирзиёевнинг Россияга 4—5 апрелга белгиланган давлат ташрифи амалга оширилади. «Дарё»нинг Telegram’даги расмий канали — @toshqindaryo’га аъзо бўлинг!
Бу ҳақда, Ўзбекистоннинг Россиядаги элчихона вакилига асосланиб, «РИА Новости» агентлиги хабар бермоқда.
«Ўйлашимча, ташриф амалга ошади», — деган Ўзбекистон элчихонаси вакили «РИА Новости»нинг тегишли саволига жавоб бераркан.
Эслатиб ўтамиз, 3 апрель, душанба куни Санкт-Петербург метросида портлаш юз берди. Ҳодиса оқибатида, сўнгги маълумотларга кўра, 10 киши ҳалок бўлган, 40 дан ортиқ одам тан жароҳати олган.
Аввалроқ Ўзбекистон Президенти Шавкат Мирзиёев россиялик ҳамкасби Владимир Путиннинг таклифига биноан давлат ташрифи билан Россияда бўлиши ҳақида хабар берилган эди. Олий даражадаги музокаралар якунлари бўйича икки давлат Президентларининг Қўшма баёноти қабул қилиниши режалаштирилган.Мавзуга доир: Шавкат Мирзиёев 4—5 апрель кунлари Россияга сафар қилади
Изоҳ (0)