КХДР етакчиси Ким Чен Иннинг акаси — Ким Чон Нам жасади қариндошларини талабига кўра Шимолий Корея томонига топширилади. Бу ҳақда «Коммерсантъ» хабар бермоқда.
Малайзия бош вазири Нажиб Раззоқнинг айтишича, мамлакатнинг Пхеньяндаги элчихонаси тўққиз нафар ходимига Ким Чон Намнинг ўлими сабаб келиб чиққан дипломатик можаро туфайли КХДРни тарк этишга рухсат берилмаётган эди, эндиликда улар бемалол Малайзияга қайтиши мумкин.
Жавоб тариқасида Ким Чон Намнинг ўлимида гумонланаётган икки нафар КХДР фуқаросига Малайзия пойтахтини тарк этишга рухсат берилди.
Эслатиб ўтамиз, Ким Чен Иннинг ўгай акаси 14 февраль куни ўлдирилган эди. Маълум бўлишича, унинг ўлимига асабни фалажловчи кучли заҳар сабаб бўлган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)