Германия канцлери Ангела Меркель ишдаги ён беришлар зарурати унинг шахсини «давомли бузиш»га сабаб бўлса, истеъфога чиқиши мумкинлигини маълум қилди. Бу ҳақда «РИА Новости» хабар бермоқда.
Меркель бу ҳақда Германиянинг собиқ адлия вазири Сабина Лойтхойссернинг «Позиция — бу куч» номли китоби тақдимотида айтиб ўтди.
Савол давлат манфаатлари ҳамда фуқароларнинг шахсий эркинлиги муаммосининг муҳокамаси остида берилди.
Германия канцлерининг нуқтаи назарига кўра, террорчилик таҳдиди хавф солаётган бир даврда одамлар ўз хавфсизлиги давлат томонидан таъминланиши, шу билан бирга, шахс эркинлиги ҳақида қайғуриши керак, деб ҳақли умид қилади.
Канцлернинг сўзларига кўра, сиёсатчи доим ўзига шу саволни бериши керак: «Муроса излаш йўлида қанчалик узоққа бора оламан?». Бироқ канцлер, ўзи қаергача бора олишини айтмай, «ҳозирча нафақага чиқмоқчи эмасман», деди.
2017 йилнинг сентябрида Германияда парламент сайловлари бўлиб ўтади. Сайлов якунларига кўра, канцлер ўзгариши мумкин.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)